North Cotabato News

Duma ki! Kuyog Ta!

Pagsugpo sa insurhensya at pagsulong ng kaunlaran sa mga liblib na Barangay paigtingin sa 2021 ELCAC program implementation

1 min read

“Ang pagkamit ng kapayapaan sa bansa ay hindi lamang para sa ating Pangulo kundi para sa ating lahat”. Ito ang pahayag ni Sec. Isidro Lapeña sa ginanap na virtual meeting ngayong araw kasama si Governor Nancy A. Catamco at mga kawani ng National Task Force(NTF).

Sa datus ng National Task Force (NTF) mahigit labing apat na libo na ang bilang ng mga FRs o Former Rebel Surrenderees at 4,849 sa kanila ay nakatanggap na ng mga livelihood programs, sa ilalim ng ELCAC program.

Dahil dito hinihikayat ng nasabing ahensya ang mga LGU’s na tutukan ang kanilang mga barangay lalong lalo na ang mga ELCAC areas na syang priority target ngayon ng CPP/NPA/NDF.

Kabilang ang Nagkakaisang Adhikain para sa Cotabateños (NAC) local Serbisyo Caravan ng North Cotabato ang kinilala ng NTF dahil sa masigasig nitong pagtulong sa mga dating rebelde. Nabanggit ang bayan ng Tulunan, Arakan at Magpet na labis ang nakitang suporta mula sa pamunuan ni Governor Catamco.

Abot sa 63 barangays ang nabigyan ng tulong sa pamamahala ng gobernadora sa ilalim ng programang ELCAC NAC -LSC sa taong 2020.

Masigasig ang pamunuan ni Governor Catamco sa pagsulong ng pakikipag-usap sa mga rebelde na nais bumalik sa pamahalaan at implementasyon ng mga programa upang maiangat ang kanilang kabuhayan.

Una nang pinuri ng RIATF ang pamunuan ni Governor Catamco sa natatangi nitong pagbuhikas ng mga NAC local Serbisyo Caravan na sadyang masaya at siksik sa proyekto at programa.. Amas, Kidapawan (January 26,2021)

Source: https://www.facebook.com/GovernorNancyACatamco

Leave a Reply

Copyright © 2021 NorthCotabato.net All rights reserved. | by AF themes.