North Cotabato News

Duma ki! Kuyog Ta!

Mahigit 8.2M na ayuda sa biktima sa lindol, ipinamahagi sa Brgy. Ilomavis, Kidapawan City

1 min read

Abot sa P 8,290,000 ang ayudang ipinamahagi ngayong araw ni Governor Nancy Catamco sa mga apektado ng lindol noong 2019 sa Barangay Ilomavis, Kidapawan City.

Nakatanggap ng tig sampung libo (10,000) ang 829 beneficiaries at ipinamahagi ito ng Gobernador katuwang ang mga kawani ng Provincial Treasury Office (PTO) at Provincial Disaster Risk Reduction and Management Office (PDRRMO).

Sinabi ng Gobernadora na umaasa syang mapupunta sa nararapat na pagkagastusan ang ayudang ibinigay sa mga ito kasabay ng paalala sa mga benepisyaryo na sa kabila ng mga trahedyang nararanasan, kayang malampasan kapag nagtutulungan.

Nagpahayag naman ng malaking pasasalamat kay Governor Catamco si Barangay Chairman Jimmy Mantawil dahil mula nuong naganap ang lindol, tuloy tuloy ang pagtulong sa kanila ng gobernadora kasabay ng pagmamalaki na isang Governor Catamco ang naging lider ng lalawigan na aniya ay halos walang kapaguran sa personal na pag iikot sa kanyang mamamayan.

Nangako naman si Pastor Aligy Tongcaling, isa sa mga benepisyaryo na gagamitin nya sa pagpapaayos ng kanyang nasirang bahay ang perang natanggap kasabay ng taos pusong pasasalamat sa gobernadora.

Sumaksi rin sa okasyon sina BM Dr. Philbert Malaluan, BM Krista Pinol-Solis MD at Mercy Foronda ng PDRRMO at mga Barangay Opisyales. // Ilomavis, Kidapawan City (February 3,2021)

Leave a Reply

Copyright © 2021 NorthCotabato.net All rights reserved. | by AF themes.