North Cotabato News

Duma ki! Kuyog Ta!

Unang linggo ng implementasyon ng “No Movement Sunday” naging matagumpay

1 min read

Amas, Kidapawan City- Naging matagumpay sa lalawigan ng Cotabato ang unang linggo ng implementasyon ng “No Movement Sunday.”

Ito ang inanunsyo ni Cotabato Police Provincial Office (CPPO) Deputy for Admin Lt.Col Bernard Tayong sa isinagawang Provincial Disaster Risk Reduction and Management Council Meeting nitong araw ng Lunes, Mayo 31, 2021 kung saan sinabi nito na 141 na mga violators sa buong lalawigan ang nahuli ng PNP dahil sa paglabag sa pinapairal na executive order sa probinsya.

Ang mga nahuling violators ay pinatawan ng karampatang penalidad batay sa umiiral na ordinansa o batas na ipinapatupad sa kani-kanilang lokal na pamahalaan.

Simula kahapon, Mayo 30, 2021 sinailalim na sa General Community Quarantine ang buong lalawigan batay sa EO-29 na nilagdaan ni Governor Nancy A. Catamco noong nakaraang linggo at matatapos sa Hunyo 30, 2021.

Pinapurihan naman GovernornCatamco si Covid-19 Incident Commander Philbert G. Malaluan, Provincial Liga ng mga Barangay (LnB) Federation President Dulia D. Sultan, PNP, AFP, barangay officials, force multipliers at MAmamayan ng lalawigan sa kooperasyon sa pagpapatupad ng “No Movement Sunday” para maiwasan ang pagkalat ng Covid-19.

“Thank you everyone sa inyong kooperasyon, alam kong marami tayong hinaharap na problema at challenges sa ngayon subalit dahil tayo ay nagkakaisa at nagtutulungan, nanatili tayong matatag at malakas sa kabila ng mga pagsubok,” wika ng gobernadora.

Tiniyak naman ng gobernador na makakatangap ng tig-sampung (10) sakong bigas ang bawat barangay mula sa pamahalaang panlalalawigan bilang tulong sa maayos nitong pagpapatupad ng “no movement Sunday” policy SA lalawigan. //idcd-pgo//

Source: https://www.facebook.com/cotabatoprovinceofficial

Leave a Reply

Copyright © 2021 NorthCotabato.net All rights reserved. | by AF themes.